Barcelona yatinga robo fainali kibabe

Unknown | 6:51 AM | 0 comments

Matokeo ya kushangaza kuwahi kupatikana katika michuano ya ligi ya mabingwa barani Ulaya yameletwa na Barcelona katika mechi yao ya marudiano ya ligi ya mabingwa Ulaya hatua ya 16 bora dhidi ya mabingwa wa Ufaransa PSG.

Pengine itachukua miaka kadhaa kuja kushuhudia hiki walichokifanya Barcelona au ndiyo mwanzo mpya wa timu kuweza kuiga mfano wao.

Kabla ya mchezo huu Barcelona walihitaji kupata ushindi wa si chini ya bao 5-0 na kutoruhusu kufungwa goli lolote lakini hadi mpira unamalizika Barcelona waliibuka na ushindi wa bao 6-1

Magoli matatu ndani ya dakika 7 za mwisho ndiyo hasa yaliyopeleka kilio kwa PSG Neymar akifunga mawili na Sergi Roberto ambaye aliingia kuchukua nafasi ya Ivan Rakitic akifunga bao la 6 na la ushindi kwa Barcelona.

Iliwachukua dakika 4 tu Barcelona kupata bao la kwanza kupitia kwa Luis Suarez kabla ya beki wa PSG Kurzawa hajajifunga na badae Messi kufunga bao la tatu kwa njia ya penati lakini bao lililofungwa na Edison Cavani liliwapa nguvu PSG kabla ya kujisahau na kuruhusu kufungwa bao 3 ndani ya dakika 7 za mwisho.

Kwa matokeo hayo Barcelona inaweka rekodi ya kuwa timu ya kwanza kuvuka hatua hii baada ya kufungwa mechi ya awali zaidi ya bao 4 na inafanikiwa kupita kwa jumla ya bao 6-5.

Share story hii kupitia>>>>>> :
TOA MAONI YAKO HAPA CHINI

Category:

0 comments