YANGA YACHINJA MNYAMA TAIFA .... YAIPIGA VIWILI TU

Unknown | 9:16 AM | 0 comments

FT: Simba 0-2 Yanga. | Tambwe 44' Busungu 79'

Kikosi cha timu ya YangaKikosi cha timu ya SimbaMashabiki wa Yanga.
Mashabiki wa Simba.Amissi Tanbwe wa Yanga akimtoka beki wa Simba.Shughuli ikiendelea.
Amissi Tambwe na Ngoma wakishangilia goli la kwanza.
Kaba nikukabe
.
Majina ya wachezaji wa timu ya simba na wa Yanga.
GPL
YANGA YALIPA KISASI, ‘YAUA MNYAMA’ DIMBA LA TAIFAKlabu ya Yanga leo imewapa raha wapenzi na mashabiki wake hii leo baada ya kuibuka na ushindi wa mabao 2-0 dhidi ya watani wao wa jadi Simba SC katika mchezo wa ligi kuu uliopigwa katika dimba la Taifa jijini Dar es salaam.
Mabao ya Yanga yamefungwa na Amis Tambwe dakika ya 44 na Malimi Busungu dakika ya 79.
Katika mchezo huo ambao timu zote mbili zilionesha dhamira ya ushindi, Simba iliyotawala zaidi kipindi cha kwanza, ilishindwa kutumia nafasi kadhaa ilizoweza kutengeza ikiwemo ile aliyopata Said Ndemla dakika za mwisho huku Yanga wakiweza kutumia nafasi chache walizopata kukwamisha mipira miwili wavuni.
Golikipa wa Yanga Ally Mustapha Bahtez aliweza kuonesha kiwango cha hali ya juu kwa kupangua michomo kadhaa ya hatari kutoka kwa washambuliaji wa Simba wakiwemo Awadh Juma, Hamisi Kiiza na Mussa Hassan ‘Mgosi’
Katika mchezo huo pia, beki wa Yanga Mbuyu Twitte alitolewa nje kwa kadi nyekundu baada ya kupata kadi ya pili ya manjano dakika ya 90.
Kwa ushindi huu Yanga imelipiza kisasi kwani katika mchezo uliopita Simba ikiwa haipewi nafasi, iliweza kuishinda Yanga kwa bao 1-0 lililofungwa na Emmanuel Okwi.
Yanga sasa imefikisha pointi 12 ikiwa haijapoteza mchezo hata mmoja, huku Simba ikibaki na point zake 9 kwa kushinda mechi 3.

Share story hii kupitia>>>>>> :
TOA MAONI YAKO HAPA CHINI

Category:

0 comments