Moroni. Washambuliaji wa Yanga, wametingia katika michuano ya Ligi ya Mabingwa Afrika kwa kuwa ndiyo timu pekee iliyofunga mabao mengi katika mechi za awali za Ligi ya Mabingwa Afrika kwa mechi za mwishoni mwa wiki.

Yanga iliyokuwa Visiwa vya Comoro, iliichapa Ngaya Sports mabao 5-1 na kujiweka katika nafasi nzuri kucheza raundi ya kwanza, ikizisubiri APR ya Rwanda na Zanaco ya Zambia zilizotoka suluhu mchezo wa kwanza mjini Lusaka.

Mchezo huo wa Yanga ambao ulizalisha mabao sita, unafuatiwa na mchezo wa Al Ahly Tripoli (Libya) iliyoifunga Wa All Stars ya Ghana mabao 3-1 na mchezo wa Kadiogo (Burundi) iliyoifunga 3-0 Diables Noirs ya Congo sawa na Tanda (Ivory Coast) iliyoilaza ASFAN ya Nigeria mabao 3-0. Timu nyingine ambazo washambuliaji wake walifunga mabao mawili ni Cotonsport (Cameroon) iliyoifunga 2-0 Atlabara ya Sudan Kusini, Saint-Louisienne (Reu Union) iliifunga 2-1 Bidvest Wits (Afrika Kusini) huku CF Mounana (Gabon) ikiirarua Vital’O ya Burundi mabao 2-0.

Mechi nyingine, Zimamoto ya Zanzibar iliitungua Ferroviario Beira (Msumbiji) mabao 2-1, huku Cote d’Or ya Shelisheli ikiumbuka nyumbani kwa kuchapwa mabao 2-0 kabla ya CNaPS Sport ya Madagascar kuiadhibu Township Rollers ya Botswana kuilaza mabao 2-1.

Mchezo wa juzi, kiungo wa Yanga, Justine Zullu alifunga bao lake la kwanza tangu alipojiunga Yanga katika dakika 43 na dakika mbili baadaye Saimon Msuva alifunga bao la pili.

Mshambuliaji Obrey Chirwa alipachika bao la tatu dakika 59, kabla ya Mrundi Amiss Tambwe kufunga bao la nne. Thaban Kamusoko alihitimisha bao la tano katika dakika 73.

Bao la Ngaya lilipatikana dakika ya 66 likifungwa na Said Anfane Boura aliyetokea benchi.

Mipango mkakati ya Yanga

Kocha Msaidizi wa Yanga, Juma Mwambusi alisema katika msimu huu wamejipangia jambo moja kubwa kwamba kupunguza ugumu katika mechi zao za Kimataifa lazima wafanye vizuri katika mechi ya kwanza bila kusubiri mchezo wa marudiano.

Mwambusi alisema akili yao hiyo inakuja kutokana na wingi wa mechi za karibu ambazo wanacheza sasa na hilo litapunguza ugumu katika mchezo wa marudiano ambao unaweza kuwachosha kabla ya mechi za ligi.

Alisema mpango huo hautajalisha Yanga inaanzia wapi na akili yao ni kuhakikisha hawatumii nguvu nyingi katika mechi za marudiano endapo watakuwa wamepata matokeo ya kuridhisha katika mechi ya kwanza.

“Unaona mechi zilivyo karibu sasa kuepuka ugumu ni lazima tufanye vizuri mechi za kwanza kama hii ili unapokuja mchezo wa marudiano tusitumie nguvu nyingi hili litatusaidia sana,” alisema Mwambusi. “Tuna majukumu mengi ratiba inaonyesha kwamba tunapocheza mchezo kama huu tutarudiana nao wiki inayofuatia na baada ya mechi ya hapo tunarudi katika ligi kawaida sasa ni lazima tuwe makini katika hilo tunataka kufanya makubwa ndiyo maana tunabadilisha mambo.

Kocha Ngaya atoa kauli

Kocha Mkuu wa Ngaya, Louis Mshangama amesema kupata kwake mikanda ya Yanga hakukuweza kuisaidia timu yake na kwamba uzoefu ndiyo umewafungisha.

Akizungumza na gazeti hili Mshangama alisema Yanga ilikuwa imara kutegua mitego yote ya timu yake na kwamba kila walipojipanga walizidi kujiweka katika wakati mgumu.

Alisema safu ya kiungo ya Yanga iliwapa wakati mgumu wachezaji wake na kujikuta wakipoteana na kwamba kikosi hicho cha wageni wao kilikuwa bora.

Mshangama alisema kwa sasa anataka kujipanga vyema kwa mchezo wa marudiano ambao amegundua makali kadhaa kutoka kwa baadhi ya wachezaji wa Yanga na kwenda kuyafanyia kazi

Jedwali la Msimamo wa ligi ya EPL 2016/17



NambariKlabuMechiMabaoAlama
1Chelsea253460
2Man City252252
3Tottenham252850
4Arsenal252650
5Liverpool252449
6Man Utd251748
7Everton251341
8West Brom25337
9Stoke25-632
10West Ham25-932
11Southampton25-330
12Burnley25-930
13Watford25-1330
14Bournemouth25-1426
15Swansea25-2324
16Middlesbrough25-822
17Leicester25-1921
18Hull25-2720
19Crystal Palace25-1419
20Sunderland25-2219

Wekundu wa msimbazi Simba wameendelea kugawa dozi katika mechi zake za ligi kuu ikiibuka tena na ushindi wa bao 3-0 baada ya kupata ushindi kama huo katika mechi iliyopita wakiifunga Majimaji ya Songea.

Simba imeweza kuibuka na ushindi huo leo kwa kuifunga Prisons ya Mbeya katika mchezo uliopigwa katika dimba la Taifa jijini Dar es Salaam.

Simba ilitawala vilivyo mchezo huo hasa dakika za mwanzo za kipindi cha kwanza  na kufanikiwa kupata bao mapema tu dakika ya 18 likifungwa na Juma Luizio baada ya juhudi kubwa za beki Bokungu aliyeamua kupanda na kupiga krosi iliyotua katika kichwa cha Novart Lufunga ambaye alimtengenezea mfungaji.

Dakika ya 38 Laudit Mavugo alimtengenezea vyema Ibrahim Ajibu ambaye aliupiga kiufundi na kufanya mchezo huo kwenda mapumziko Simba ikiwa mbele kwa ushindi wa bao 2-0

Kipindi cha pili kilikua ni cha kumalizia tu kwa Simba na dakika ya 68 Ibrahim Ajibu aliambaa na mpira katika winga na kupiga krosi iliyotua katika kichwa cha Laudit Mavugo aliyefunga bao hilo la tatu.

Kwa matokeo hayo Simba sasa inafikisha pointi 51 na kure
Timu ya Taifa ya Soka ya Cameroon imetawazwa kuwa mabingwa wa Kombe la Mataifa ya Afrika (Afcon) mwaka 2017 baada ya kuilaza timu ya Taifa ya Misri kwa mabao 2-1,  yaliyofungwa na Nicolas N'Koulou na Vincent Aboubakar.

Cameroon imepata ubingwa huo katika fainali za mashindano hayo yaliyofanyika nchini Gabon, ukiwa ni ubingwa kwa mara ya tano na ni mara ya kwanza tangu mwaka 2002.

Katika mtanange huo uliovuta hisia za mashabiki na wapenzi wengi wa soka,  Misri ndiyo ilianza kutikisa nyavu za Cameroon baada ya Mohamed Elneny kufunga goli kwa shuti kali katika dakika ya 21.

Hata hivyo, katika dakika ya 58, N'Koulou aliamsha matumaini ya Cameroon kutwaa ubingwa huo, baada ya kuisawazishia timu yake kwa kichwa, kabla ya Aboubakar kuihakikishia ubingwa kwa kupachika wavuni bao la pili katika dakika ya 88 na hivyo kuzamisha kabisa jahazi la Misri.

Ubingwa wa mwaka huu kwa Cameroon unaandika rekodi mpya na ya kwanza baada ya timu hizo kukutana katika hatua ya fainali mwaka 1986 na 2008, ambazo zote Misri iliibuka mbabe.
Timu ya taifa ya Cameroon itakutana na Misri katika fainali ya Kombe la Mataifa ya Afrika baada ya ushindi wa 2-0 dhidi ya Ghana usiku wa jana katika Nusu Fainali ya pili Uwanja wa Franceville mjini Franceville, Gabon.

Shukrani kwao wafungaji wa mabao hayo, Michael Ngadeu-Ngadjui na Christian Bassogog wakiiwezesha timu ya Hugo Broos kwenda fainali ya kwanza tangu mwaka 2008.

Simba Wasiofungika walistahili ushindi huo kutokana na kutawala mchezo kuanzia mapema na kuwapoteza kabisa Black Stars.

Baada ya dakika 45 ngumu za kipindi cha kwanza, Ngadeu-Ngadjui akifungia bao la kwanza Cameroon dakika ya 72 kabla ya Bassogog kufunga la pili dakika ya tatu ya muda wa nyongeza baada ya kutimia dakika 90 za kawaida za mchezo.


Cameroon

Kikosi cha Cameroon kilikuwa: Ondoa, Fai, Ngadeu-Ngadjui, Teikeu, Oyongo - Siani, Djoum/Mandjeck dakika 77, Zoua - Moukandjo, Ndip Tambe/Aboubakar dk73 na Bassogog.

Ghana: Razak, Acheampong, Boye, Amartey, Afful - Wakaso, Acquah/Gyan dk76, Partey/Agyemang-Badu dk86, Atsu, A.Ayew na J.Ayew.
Mabingwa watetezi wa ligi kuu ya soka Tanzania Bara Yanga leo wanashuka dimba la Uwanja wa Taifa jijini Dar es salaam kupambana na Stand United ya Shinyanga huku akiahidi kufanya vizuri ili kuendelea kujiweka kileleni mwa ligi hiyo.

Akizungumza na Hotmix Michezo Katibu Mkuu wa Yanga Charles Boniface Mkwasa amesema, anaamini kikosi kipo imara kwa ajili ya mchezo huo ambao kwa upande wao ni mgumu na unawalazimu kushinda ili kupata pointi tatu huku akiwataka wanachama kuwa na umoja ili kuendelea kuipa timu sapoti katika michuano ya ligi pamoja na klabu bingwa Afrika ambayo inaanza hivi karibuni.

Mkwasa amesema, ligi inazidi kuwa ngumu katika mzunguko wa lala salama kutokana na kila timu kuhitaji kubaki katika nafasi nzuri huku akiongeza kuwa katika kila mchezo hususani kwa mchezo wa leo watacheza kwa kuhakikisha wanaibuka na ushindi ili kuweza kuhakikisha wanakuwa juu zaidi na kuwaacha mbali zaidi kwa pointi timu ya Simba SC.
KIUNGO Frank Lampard ametangaza kustaafu soka ya ushindnai baada ya zaidi ya miongo miwili ya kuwa kazini.

Gwiji huyo wa Chelsea, ambaye alishinda heshima zote kubwa wakati wake akiwa kazini Stamford Bridge, ameamua kustaafu baada ya kuondoka New York City ya Ligi Kuu ya Marekani mwishoni mwa msimu.

Lampard, mwenye umri wa miaka 38 sasa, ametangaza kustaafu kwake kupitia ukurasa wake wak Instagram ambako ameposti ujumbe wa kuwashukuru wote waliochangua mafanikio yake ikiwemo kuichezea mechi 106 timu yake ya taifa ya England.

HISTORIA YA LAMPARD 

1995-2001: West Ham - mechi 187/mabao 39
1995-96: Swansea (mkopo) - mechi 11/bao 1
2001-2014: Chelsea - mechi 649/mabao 211
2014-15: Man City - mechi 38/mabao 8
2015-16: New York City - mechi 19/mabao 12
 
1999-2014: England - mechi 106/mabao 29 
 
JUMLA: mechi 1010/mabao 300

MATAJI ALIYOTWAA LAMPARD

Chelsea
Ligi Kuu x3: 2004-05, 2005-06, 2009-10
Kombe la FA x4: 2006-07, 2008-09, 2009-10, 2012
Kombe la Ligi x2: 2004-05, 2006-07 
Ngao ya Jamii
x2: 2005, 2009
Ligi ya Mabingwa: 2011-12
Europa League: 2012-13  
 
West Ham
Intertoto Cup: 1999  

Lampard ameishukuru familia yake, akiwemo mkewe Christine ambaye ameandika ujumbe wa kujivunia mumewe kwenye ukurasa wake wa Instagram pamoja na picha ya 'bwana mkubwa huyo'.
Lampard amezishukuru pia klabu alizochezea enzi zake kuanzia West Ham katikati ya miaka tisini. Amesema Chelsea, ambako ameshinda mataji matatu ya Ligi Kuu ya England, mannde ya FA na Ligi ya Mabingwa Ulaya zaidi ya miaka 13 daima itabakia kuwa na nafasi kubwa moyoni mwake na pia akazishukuru Manchester City na New York City. 
Zikiwa zimebaki siku chache kabla ya kufungwa kwa dirisha la usajili wa mwezi Januari barani Ulaya tayari timu nyingi zimeshasajili na hapa tumekuandalia matokeo ya usajili wote uliofanyika mwezi huu Januari.

Tumekukusanyia hapa usajili mkubwa uliokamilika mpaka sasa thamani ikiwa katika paundi/Euro

1. GERARD DEULOFEU | Everton kwenda AC Milan | Mkopo wa miezi 6

2. MEMPHIS DEPAY | Manchester United kwenda Lyon | £16m kuongezeka mpaka£21.7m

3. JOSE FONTE | Southampton kwenda West Ham | £8m

4. SAIDO BERAHINO | West Brom kwenda Stoke | £12m

5. TOM CARROLL | Tottenham kwenda Swansea City | £3.5m

6. PATRICK BAMFORD | Chelsea kwenda Middlesbrough | £6m

7. NIKLAS SULE | Hoffenheim kwenda  Bayern Munich |€20m

8. SEBASTAIN RUDY | Hoffenheim kwenda Bayern Munich | Uhamisho huru

9. MORGAN SCHNEIDERLIN | Manchester United kwenda Everton| £24m

10. MATTIA CALDARA | Atalanta kwenda Juventus | €15m

11. LUCIANO NARSINGH | PSV kwenda  Swansea City | £4m

12. STEVAN JOVETIC | Inter Milan kwenda Sevilla | Mkopo wa miezi 6


13. HOLGER BADSTUBER | Bayern Munich kwenda Schalke kwmkopo wa miezi 6

14. MARTIN ODEGAARD | Real Madrid kwenda Heerenveen | Mkopo

15. FELIPE MELO | Inter Milan kwenda Palmeiras | Uhamisho huru

16. JOHN OBI MIKEL | Chelsea kwenda Tianjin TEDA (China)| Uhamisho Huru

17. TIMOTHEE KOLODZIEJCZAK | Sevilla kwenda Borussia
Monchengladbach | €8m (£6.8m)

18. LEE GRANT | Derby County kwenda Stoke City | £1.3m (€1.5m)

19. JUAN ITURBE | Roma kwenda Torino kwa mkopo mpaka mwisho wa msimu na kipengele cha kumnunua mazima


20. LAZAR MARKOVIC | Liverpool kwenda Hull | Mkopo

21. IAGO FALQUE | Roma kwenda Torino |  €5m (£4.3m)

22. ALBERTO AQUILANI | Pescara kwenda Sassuolo | Mkopo

23. RYAN BABEL | Ameachwa na Besiktas | Yuko Huru

24. TOMAS RINCON | Genoa kwenda Juventus | €8m (£6.8m)

25. AXEL WITSEL | Zenit kwenda Tianjin Quanjian | Haijaelezwa

26. CARLOS TEVEZ | Boca Juniors  kwenda Shanghai Shenhua |£8.1m

27. JULIAN DRAXLER | Wolfsburg kwenda Paris Saint-Germain |€35m (£30m)

28. JOEY BARTON | Rangers kwenda Burnley | Bure

29. ADEMOLA LOOKMAN | Charlton Athletic kwenda Everton | £10m (€11.7m)

30. RIECHEDLY BAZOER | Ajax kwends Wolfsburg |  €12m (£10.2m)

31. RUDY GESTEDE | Aston Villa kwenda Middlesbrough | £6m (€7m)

32 OSCAR | Chelsea kwenda Shanghai SIPG | €60m (£51m)

33. ROBERT SNODGRASS | Hull City kwenda West Ham | £10.2m

34. DIMITR PAYET | West Ham United kwenda Olympic Marseille kwenda

35. BOJAN | Stoke City kwenda Mainz | Mkopo