Mshambuliaji wa Yanga Said Rashid Bahanuzi ameondoka nchini usiku wa kuamkia leo na Egypt Air kuelekea nchini Malaysia kwa ajili ya kufanya majaribio ya kucheza soka la kulipwa nchini humo.

Bahanuzi akiwa nchini Malaysia atafanya majaribio kwa muda wa siku 7 na timu za Ligi Kuu nchini humo, ambapo uongozi umetoa baraka zake zote kwa safari hiyo iliyoratibiwa na kampuni ya Football Management International.